Chor der Erste Bank


Am Dienstag, 11. Dezember feierten

wir unsere eigene Weihnachtsfeier im Probelokal.

18 Uhr
 

Danke, Otto, für das schöne Gedicht!

 

BEGEGNUNGEN

Begegnung in der  Sonne

Grad  - wia zwa Marienkäfer auf an Blattl in der Sunn ham a Busserl sie geb´n

Hat a Vogerl  gdankenlos und schnö verkürzt eana Leben

Dafia lebns jetzt ewig und schaun vom Himmel uns zua

Wia des so is mit unserm Leben, so ohne Rast und ohne Rua

 

Begegnung im Regen

Trifft a Tropfn sein Nachbarn im Regen – Heaßt hör amoi zua

Bist a so überflüssig ? Wir san so vüle - vü mehr als gnua

Da packt se a Scheibnwischer und schmeißt sie in Grabn

Durt schwimmans im Gatsch und haben nix mehr zum sagn

 

Begegnung im Nebel

Zruck ziagn in die Stubn– mit an Häferl voi haßn Tee

Draußt ziagn die Nebel und auf da Ofenbank  is schee

Doch schaut´s amoi auße – schwimman da ned Nixen in an blassblauen See?

ihr miaßts nur lang gnua einischaun - ins Noarrnkastl – dann - sechts a eh

 

Begegnung im Schnee

Kalt woars in da Fruah und a frisch gfallener Schnee

Die Blatt`ln und die Bam – mit  an weißen Plissee

Da hat der schwarze Kater von nebenan- a  Patzerl  verluarn

Und flux is  im Garten a klans Kunstwerk draus wuarn

`

Begegnung in uns

Unlängst sagt mei ICH reschpektlos zu mir

Sag Oida, was glaubst denn, was is denn los nur mit dir?

Wüllst de außeschleichn aus Weihnachten wia durch a klane – Tapetentür

Aber des spült´s ned , weil durch de kummt des Christkind und du bleibst jetzt hier.

Zuerst nur a klanes Liacht – aber glaub´mas , es steht se dafür

Schau nur, es wird immer größa und dann hilft`s a vielleicht  dir

I waß jetzt– es kummt zu uns alle – durch jede no so klane Tür

Des Christkind gibt´s wirklich , vielleicht is eh jetzt scho hier

 

                                                                                              Frohe Weihnacht 2012

©Textwerkstatt Otto Tenor

Ich müchte mich an dieser Stelle ganz herzlich bei euch allen für das schöne Chorjahr und das schöne Geschenk bedanken!
Ich freue mich schon auf Jänner, wenn wir mit den Proben zumSkandinavischen Konzert beginnen!
Danke und frohe Weihnachten euch allen!!
Viele harmonische Grüße
Elisabeth